Solid siger over BSI

Lagt ut av Førde IL - Handball den 11. Feb 2024

D2: Førde-BSI 35-26 (19-9): Oda Vindheim (biletet) vart kåra til vår beste spelar då vi kapra to nye poeng i Førdehuset. Det skjedde etter ein veldig god første omgang. Rett nok kom BSI best i gang og hadde leiing 2-1, men så tok våre jenter over. Og gledeleg nok var det kantspelarane våre, Tuva Tefre Kalstad og Amalie Ness, som scora dei fleste av måla då vi opparbeidde ei solid leiing. 

Ved pause var vi ti mål føre, og dermed skjedde det som vi har sett før når vi har hatt ei klar leiing: andre omgang vart ikkje på langt nær like god. BSI kom nærare og knappa inn til seks mål bak, men dei to poenga var aldri i fare. Til slutt vart det nimålssiger.

Trenar Øyvind Indrebø var veldig godt nøgd med det som vart prestert før pause.

- Då var vi veldig gode. Etter pause var jentene meir slurvete og ukonsentrerte, og det førde til feil som BSI utnytta. Men kampen sett under eitt er eg godt nøgd, og det er fint å kunne ta to poeng etter ein pause på fire veker.

Med dei to poenga passerte Førde tre lag på tabellen og ligg på tredjeplass bak Gneist og Åsane.

Måla til Førde: Kinga Lemiech 8, Tuva Tefre Kalstad 5, Estelle Ahlquist Lundh 5,Alexandra Afloarei 4, Annette Kaalstad 3 (2 på straffe), Oda Vindheim 3, Vilje Sande-Neset 3, Amalie Haugsbø Ness 2, Marie Erichsen Myklebust 2.


Kommentarar

Logg inn for å skrive en kommentar.