Veldig kjekt på Stord Handballfestival

J13 er nett komne heim frå ei pinsehelg på Stord Handballfestival. Og for ein festival det vart! Sju jenter drog avgårde og satsa på cuplivet utan innbytarar. Gjennom cupen fekk vi spele fire gruppespelkampar og ein sluttspelkamp. I gruppespelet enda vi på andre plass med to vinn, ein uavgjort og eitt tap, og dermed vidare i A-sluttpel. Kvartfinalen enda med tap, resultatmessig.

Som lag sit vi igjen med ein følelse av å ha vunne på veldig mange plan. Kampane og motstanden utvikla seg på forskjellige måtar. Jentene jobba seg gjennom kampane med ein stayervilje som kan blåse einkvar av banen. Kvar og ein tok ansvar, let bomskudd, utvisningar, røde kort, tap, og mål imot passere. Dette resulterte i mykje meistring og glede kor jentene jobba godt med det mentale fokuset og dermed henta fram det beste i seg sjølv undervegs i kampane. Skuffelsane vart difor ikkje like tunge å bere.

Vi fekk takknemlig hjelp frå J12 som ekstra tryggheit på benk dei to siste kampane. Jentene stod alle kampane fullt ut samla som lag. Ellers fekk vi vere saman med J12, sett nokre kampar saman, felles middag på kveld, disco, møte nye handballvener, danseshow, paradetog gjennom sentrum, sett innmarsj med medaljeutdeling og J13 finalen mellom Fyllingen og Åsane, kor Åsane inspirerte voldsomt. Handballfestivalen kan varmt anbefalast til andre Førde IL Handball-lag.

Tekst og foto: Anne Gry Dale Niemonen.