Bli med og ta eit tak!
Postet av Førde IL - Handball den 25. Feb 2022
Leiar Geir Eikås oppmodar folk om å ta på seg verv for å gi dei unge det handballtilbodet dei fortener.
Det nærmar seg årsmøte i Førde IL Handball, og då er det ein del av dei som har vore med i styre og stell ei stund som takkar for seg. Dermed er det trong for nye kostar.
- Dessverre slit vi med å finne folk som er viljuge til å ta på seg styreverv og andre roller i handballgruppa, seier leiar Geir Eikås. Det finst heilt sikkert ressursar i foreldregruppa.
- Eg oppmodar folk om å melde seg. Ved at du er med, får vi eit breiare og betre tilbod til ungane våre, seier han.
Dei som vil vere med og ta eit tak kan ta kontakt med Geir eller leiaren i valkomiteen, Rolf Sanne-Gundersen. Dei kan og møte opp på årsmøtet i Hafstadparken onsdag 3. mars klokka 19.00.
Tekst og foto: Kjell Arvid Stølen.
Kommentarer
Logg inn for å skrive en kommentar.