Stortap mot serieleiaren

Lagt ut av Førde IL - Handball den 23. Mar 2024

D2: Førde-Gneist 17-38 (10-20): Det var Gneist som hadde presset på seg då dei gjesta Førdehuset laurdag. Åsane hadde vunne borte mot Fredrikstad 2, så alt anna enn to poeng mot Førde ville gi Åsane ein stor fordel i kampen om opprykk. Og det skulle vise seg at Gneist meistra presset. Dei scora på sine fem første angrep, medan vi berre kvitterte for to av dei. 

Emma Gloppestad var tilbake i Førdehuset, men kom aldri på bana. Ho slit med skade i ein tommel og var i tillegg småsjuk. Men lagvenninnene greidde seg godt utan henne. Ved pause stod det 10-20 på måltavla, og Førde sleit endå meir med å få mål i andre omgang. Sluttresultatet vart 17-38.

Veteranen Alexandra Afloarei (biletet) var eit lyspunkt for heimelaget, med stor innsats både i forsvar og angrep. Det resulterte i to utvisingar og fire mål, tre frå streken og eitt langskot. Alex har vore bakspelar og nølte ikkje mykje då ho fekk sjansen.

Trenar Øyvind Indrebø konstaterte  at dette vart ein heilt annan kamp enn då vi slo Gneist med eitt mål i Bergen.

- Vi møtte eit heiltent Gneist-lag. Dei spelte ein god kamp og gjorde det vanskeleg for oss. Vi har hatt ei ruskete veke med mykje sjukdom i laget. Dagen før kamp var vi i tvil om kva lag vi greidde å stille.

Måla til Førde: Alexandra Afloarei 4, Annette Kaalstad 4 (1 på straffe), Amalie Haugsbø Ness 3, Oda Vindheim 2, Kinga Lemiech 2, Berenice Olga Halvorsen 1, Marie Erichsen Myklebust 1. 

Toppscorar og best på Gneist: Emma Louise Grasdal (9 mål).



Gjensyn med Emma

Lagt ut av Førde IL - Handball den 20. Mar 2024

Emma Gloppestad var ein viktig spelar for Førde i forrige sesong. Denne sesongen er ho Gneist-spelar, og laurdag kjem ho saman med lagvenninnene på serieleiar Gneist til Førdehuset. Ho har sett inn 81 mål for laget frå Bergen til no og vore ein viktig bidragsytar til at Gneist toppar tabellen. Men Åsane pustar dei i nakken, tre poeng bak og med to kampar mindre spelt. Difor er kampen mot Førde veldig viktig for bergensarane. I tillegg har dei noko å hemne, for Førde slo dei med eitt mål i haustkampen.

Heimelaget kan på si side gå til kampen utan høge skuldrar, vi kan ikkje rykke opp, og i motsetnad til dei føregåande sesongane er vi langt unna nedrykkskampen.

Trenar Øyvind Indrebø seier dette om oppågjeret laurdag klokka 16:

- Vi er klare for nest siste heimekamp på laurdag. Og motstandar er ingen ringare enn opprykkskandidat Gneist. Dette er ein hardtsatsande klubb med talentutvikling i høgsetet. Og «vår eigen» og «Gloppen HK» si Emma Gloppestad er ei av dei sentrale på laget. Rett nok slo vi Gneist i bortekampen før jul. Då traff vi på det meste når det gjeld taktikk og dagsform. 

På laurdag må Gneist finne seg i å vere klare favorittar. Dei er i god flytsone, medan vi har utfordringar med skader og sjukdom. Men utfordringar er til for å løysast. Og det betyr at fleire får sjansen i kampen, noko som også blir viktig inn mot neste sesong. Vi har ingenting å tape – alt å vinne, og skal jobbe beinhardt for å utfordre Gneist. Vi håpar flest muleg støttar jentene i Førdehuset laurdag kl 1600.



Gjorde det spennande - men tok poenga

Lagt ut av Førde IL - Handball den 17. Mar 2024

D2 Førde-Reistad 29-24 (15-8): Det var lite som gav grunn til uro då Førde og Reistad tok pause på stillinga 15-8 til heimelaget. Det var klasseskilnad på laga. Kinga Lemiech var høgt og lågt både i angrep og forsvar, Andrea Boge Solås stod godt i mål, og laget frå Drammen såg ikkje ut til å kunne skape problem for poengfangsten.

Andre omgang starta også bra. Etter få minutt stod det 18-9 på måltavla. Men så gjekk det meste i stå for heimelaget. I løpet av dei 13 neste minutta vart 18-9 til 19-16, med andre ord vann Reistad den perioden 7-1.

- Vi vart kanskje litt for feige, det var ikkje meininga å gjere det spennande, seier trenar Øyvind Indrebø. 

Iallfall var det lite futt i angrepsspelet, det vart skote på for dårlege sjansar, og skota var heller ikkje spesielt godt innsikta. I andre enden av bana var ikkje forsvarsspelet like patent som i første omgang.

Men Reistad kom aldri nærare enn tre mål bak, og på slutten fann Førde litt tilbake til godtaktene frå før pause. Det enda 29-24, og vi tok igjen tredjeplassen på tabellen med våre 24 poeng.

- Eg er veldig godt nøgd med spel og utteljing i første omgang, seier Indrebø. Det har skjedd før at vi ikkje greier å fylgje opp i andre omgang, men denne gongen greidde vi iallfall å kome tilbake mot slutten.

Kinga Lemiech vart fullt fortent kåra til vår beste spelar. Ho sette inn 10 spelemål og la ned stor innsats i forsvar. Annette Kaalstad enda på 8 mål (2 på straffe), Berenice Halvorsen 4, Amalie Haugsbø Ness 3, Tuva Tefre Kalstad 2, Oda Vindheim 1 og Alexandra Afloarei 1. 



Endeleg heimekamp igjen!

Lagt ut av Førde IL - Handball den 14. Mar 2024

Det har gått fem veker sidan det sist var 2. divisjonskamp i Førdehuset. Då vann vi 35-26 ove4 BSI. Kampen helga etter vart som kjent avlyst fordi Tertnes ikkje kunne stille lag. Og det er tre veker sidan forrige bortekamp, som enda med tap mot topplaget Åsane. 

Søndag er det Reistad som er motstandar. Laget frå Drammensområdet var lett match for våre jenter då vi møtte dei borte i september, vi vann 42-28. Komande held spelar Reistad først mot Tertnes i Bergen, så kjem dei hit søndag. Reistad står med ni poeng og er tredjesist på tabellen, medan vi er på tredjeplass med 22 poeng.

Men trenar Øyvind Indrebø åtvarar mot å ta lett på kampen.

- Rett nok er Reistad på nedre halvdel av tabellen, men laget har hatt ei solid formutvikling i det siste, med mellom anna ein nimålssiger mott topplaget Hokksund. Så det blir ein travel kamp.

Etter som det er lenge sidan siste seriekamp, gjennomførte vi onsdag ein treningskamp mot 3. divisjonslaget Florø. Sjølv om det var ei nyttig økt og 35-20-siger, blir det noko heilt anna å møte ein divisjonskollega i seriekamp.

Vi har også litt utfordringar med skade og sjukdom i troppen, så per tid er det uavklart kven som er aktuelle for kampen. Dette veit vi nok ikkje før etter kampførebuingstreninga på lørdag.

Uansett vil dei som er klare vere opptatt av å «brette opp ermene» og slåst for to nye poeng mot Reistad søndag kl 15.30 i Førdehuset.

PS! Kampen går på bane 3, med tribune på bane 2.

Vi sjåast på kamp!

Når dysten mot Reistad er unnagjort, står det att fire seriekampar, heime 23. mars mot Gneist, borte 13. april mot Hokksund og 14. april mot Glassverket2, før sesongen blir avslutta med heimekamp i Førdehuset mot Bjørnar. Uansett blir det ei sesongavslutning utan dei frynsete nervene vi har hatt dei to føregåande sesong



Endeleg heimekamp igjen!

Lagt ut av Førde IL - Handball den 14. Mar 2024

Det har gått fem veker sidan det sist var 2. divisjonskamp i Førdehuset. Då vann vi 35-26 ove4 BSI. Kampen helga etter vart som kjent avlyst fordi Tertnes ikkje kunne stille lag. Og det er tre veker sidan forrige bortekamp, som enda med tap mot topplaget Åsane. 

Søndag er det Reistad som er motstandar. Laget frå Drammensområdet var lett match for våre jenter då vi møtte dei borte i september, vi vann 42-28. Komande held spelar Reistad først mot Tertnes i Bergen, så kjem dei hit søndag. Reistad står med ni poeng og er tredjesist på tabellen, medan vi er på tredjeplass med 22 poeng.

Men trenar Øyvind Indrebø åtvarar mot å ta lett på kampen.

- Rett nok er Reistad på nedre halvdel av tabellen, men laget har hatt ei solid formutvikling i det siste, med mellom anna ein nimålssiger mott topplaget Hokksund. Så det blir ein travel kamp.

Etter som det er lenge sidan siste seriekamp, gjennomførte vi onsdag ein treningskamp mot 3. divisjonslaget Florø. Sjølv om det var ei nyttig økt og 35-20-siger, blir det noko heilt anna å møte ein divisjonskollega i seriekamp.

Vi har også litt utfordringar med skade og sjukdom i troppen, så per tid er det uavklart kven som er aktuelle for kampen. Dette veit vi nok ikkje før etter kampførebuingstreninga på lørdag.

Uansett vil dei som er klare vere opptatt av å «brette opp ermene» og slåst for to nye poeng mot Reistad søndag kl 15.30 i Førdehuset.

PS! Kampen går på bane 3, med tribune på bane 2.

Vi sjåast på kamp!

Når dysten mot Reistad er unnagjort, står det att fire seriekampar, heime 23. mars mot Gneist, borte 13. april mot Hokksund og 14. april mot Glassverket2, før sesongen blir avslutta med heimekamp i Førdehuset mot Bjørnar. Uansett blir det ei sesongavslutning utan dei frynsete nervene vi har hatt dei to føregåande sesongane.